نظرآ لزيادة أعداد السناجل في مصر .. وخصوصآ البنات .. ونظرآ لأهمية وخطورة فترة السنجله .. هذه الفتره الحرجه اللي ما يعلم بيها إلا ربنا .. قررت وانا في كامل قواي العقليه إني أكتب الكتاب ده .. كتاب بيناقش كل حاجه تخص البنوته السينجل .. مشاكلك وأحلامك ومشاعرك وصراعاتك اليوميه اللي بتدخلي فيها بسبب الخناقه المستمره بين قلبك وعقلك .. هروبك من ذكريات قديمه ممكن تكون وجعتك .. وخوفك من بكره والمستقبل اللي جاي .. صداماتك المتتاليه أثناء رحلة البحث عن الحبيب المجهول .. واستقلاليتك واعتمادك علي نفسك .. احتياجك للحب والطبطبه والحضن والاحتواء .. وقبولك بالوضع الراهن لأن ببساطه "الإهتمام مبيتطلبش" .. وتفاصيل تانيه كتير هنعيشها جوه صفحات الكتاب ده
