"قضيت فترة طويلة من حياتك بتعمل دايت؛ و كُل دايت جديد بيظهر بتقرر تجربه، يمكن يكون ده اللي فيه الشفا ويخسسك و يشيل من عليك همْ الدهون الزايدة اللي معكننة عليك حياتك.
بس مع كُل تجربة و مع كُل دايت بتحس باليأس والإحباط أكتر... وتقول لنفسك أشمعنا أنا اللي مش عارف أخس؟!
علاقتك مع أكلك بقت علاقة مرهقة بتفكر هتاكل ايه في الفطار وبعد الفطار تفكر في الغدا وبعد الغدا تفكر في العشا، التفكير في الأكل بقي واخد جزء كبير من حياتك لدرجة أنك بقيت حاسس أنك مدمن أكل.
الكتاب ده هيساعدك تعرف ليه أنت مش عارف تخس رغم كُل محاولاتك المستمرة في عالم الدايت، هنا هتلاقي الروشتة اللي هتخلصك من إدمانك للأكل وهتساعدك تلاقي طريق السلام والراحة مع كل أنواع الأكل من غير أي تأنيب ضمير.
ادي لنفسك فرصة أخيرة."
