لا يوجد منتجات في عربة التسوق
الشاي مُخدّر ، ..
الناي مُسطّر ذكريات !!
والباقي حبّة ورد مات
علشان خدعنا بشئ مادامش
وبعود طويل جالس قلوبنا
وقومنا لما العود ماقامش
فكروني بالرسايل ..
واللي سايل من وريدي
لحد عندك في الوريد
فكروني بعيد ..
باضحي فيه ..
بجميع فرص الشوارع
عشان اعيش جواكي عيد
كلموني عن مصادفةْ ..
إلتقاء الصاد ب سين
كلموني ع السنين
والليالي ف دنيا تانية
عن الليالي في المجرّة
لما زُرت القلب مرّة
واتقابلنا ف شبَكة واحدة
لما قررنا نخوض ..
أول معادلة حب بَحتة
