لا يوجد منتجات في عربة التسوق
ـ دكتور نفساني، ومريض على الشازلونج
الشاب: دكتور أنا عارف إنك قبل ما تكون دكتور نفساني.. أنت أب ... انا فاشل وسرسجي وكنت هنتحر .. جربت شغل كتير ومش عارف العيب فيا ولا في صحاب الشغل .. ضربت سبارس اللي هي فضلات سجاير.. شربت بانجو بالبزر بتاعه.. ضربت خوابير على حساب صحابي.. قُلت ما فيش غير كوبري قصر النيل.. وأول ما كنت هرمي نفسي ظهرت قدامي عروسة البحر.. بنت ولا كل البنات.. كلمتني حسستني إني بني آدم مش كوميدينو.. حبتها يا دكتور هي مش بطل.. بس روحها جميلة .. جابت لي شغل ... من الشغل للحب والعشق وانت فاهم .. غيرت حياتي أنا بقيت في نعيم
الدكتور: ولما هي نعيم جيت ليه النهارده؟روح اتجوزها.. أنت شاب محترم ومكافح
الشاب: ما هي البنت دي تبقى بنتك شيماء أم غمازات في خدها... لو رفضت حالتي هتتأخر بسببك يا عمي
الدكتور: يا حيوان .. عمك مين يا ابن العبيطة.. اطلع برة، أنا مش دكتور أنا سرسجي زيك وبضرب مخدرات بعد العيادة.. وبقعد في غرز وتحت المكتب شيشة وباكل افيون.. وبمشي شمال إوعى تعيش عليا الوهم اخلع من هنا ولو شوفت شيماء تاني هخرم لك عينيك
